Í febrúar hin síðustu ár höfum við í Landakirkju breytt heldur út af vananum við messugjörð og ýmis þemu dregin upp í guðsþjónustum á sunnudögum. Þær tilbreytingar halda áfram nú í ár en verða þó ögn hefðbundnari en áður. Um þessar mundir er ný handbók presta í smíðum en hún hefur að geyma leiðbeiningar við [...]
Það má með sanni segja að helgihald og starfsemi Landakirkju hafi gengið vel yfir aðventu og hátíðirnar enda dagskrá kirkjunnar vel sótt yfir þessa vertíð kirkjunnar. Tölur tala oft betur en bundið mál og því má hér sjá nokkrar tölulegar upplýsingar um helgihald og starfsemi kirkjunnar á aðventu, jólum og áramótum; Um 300 börn heimsóttu [...]
Styrktarsjóður Landakirkju veitir fólki sem hefur fasta búsetu í Eyjum aðstoð fyrir jólin og erum við byrjuð að taka við umsóknum um aðstoð. Sjóðurinn getur að sjálfsögðu ekki starfað nema vegna velvildar fyrirtækja og einstaklinga sem hafa í gegnum árin verið afar rausnarleg í framlögum sínum og viljum við þakka þeim fjölmörgu sem styrkt hafa [...]
Í tilefni af Gulum september ætla landssamtökin Geðhjálp að ferðast um landið og bjóða upp á samtal um geðrækt og geðheilsu í bland við tónlist og gleði. Geðlestin er heiti verkefnisins en það hefur áður farið um landið en þá var áherslan á börn og ungmenni en núna er ætlunin að hitta sveitarstjórnir, félags- og [...]
Sr. Viðar Stefánsson hefur tekið sér barneignarleyfi út yfirstandandi ár og hefur því verið útveguð afleysing í Landakirkju þar til hann kemur úr fríinu. Sr. Sunna Dóra Möller hefur fengið það verkefni að leysa af og hlökkum við til að hafa hana með okkur í Landakirkju í haust og fram á vetur. Sunna Dóra er [...]
Á morgun, sunnudag fyrir þjóðhátíð verður guðsþjónusta í Stafkirkjunni en það er venjan helgina fyrir þjóðhátíð. Það verður síðasta sunnudagsmessa sr. Viðars áður en hann fer í sumarfrí og fæðingarorlof. Kemur hann aftur til starfa í janúar. Guðsþjónustan hefst kl. 11 og mun Kitty organisti sjá um tónlist og Kór Landakirkju leiðir almennan song. Sjáumst [...]
Þýska kammersveitin Kamel kemur fram í safnaðarheimili Landakirkju fimmtudaginn 25. júlí nk. kl. 20:00. Tónleikarnir eru liður tónleikaferðalagi sveitarinnar vítt og breytt en yfirskrift ferðarinnar er Fjötralaus (e. Boundless). Er það vísun í efni tónleikanna sem eru verk 20. aldar tónskáldanna Nikos Skalkottas, Dmitri Shostakovich, Jason Gotovac og Marijan Lipovsek og frelsandi kraft þeirra. Aðgangur [...]
Annað kvöld kl. 20 verða haldnir tónleikar í safnaðarheimilinu. Þar sameina krafta sína Kitty Kovács sem leikur á píanó og Eszter Regös sem leikur á selló Kitty organista þekkja allir Eyjamenn en Kitty lærði hjá Eszter um nokkurt skeið og var síðar undirleikari hjá nemendum hennar. Þær ætla að leyfa okkur að njóta endurfunda þeirra [...]
Mæðradagurinn verður haldinn hátíðlegur á sunnudaginn í guðsþjónustu kl. 11. Undanfarin ár hefur mæðradagurinn verið messudagur Oddfellow-systra við góðan orðstír. Nú er ætlunin að útvíkka þennan dag enn meira og bjóða sérstaklega öllum kvenfélögum og öðrum kvennahópum, að sjálfsögðu fyrir utan allar mæður. Áfram munu Oddfeloow-systur þó sjá um ritningarlestra. Athöfnin verður hugljúf þar sem [...]
Að vanda er uppstigningardagur messudagur eldri borgara í kirkjum landsins og að því tilefni eru eldri borgarar sérstaklega velkomnir til Guðsþjónustunnar í Landakirkju þann dag. Fer hún fram á uppstigningardag fimmtudaginn 9. maí kl. 11:00. Sönghópur eldri borgara kemur fram og leiðir sönginn og sr. Guðmundur Örn leiðir messuna. Kvenfélag Landakirkju bíður svo til vöfflukaffis [...]
Árleg uppskeruhátíð barna- og æskulýðsstarfs kirkjunnar, Vorhátíð Landakirkju fer fram á sunnudagsmorgun 5. maí nk. kl. 11:00. Um er að ræða fjölskyldumessu þar sem tónlistin veður fyrirferðamikil í bland við það fjör sem einkennir sunnudagaskólann. Að lokinni messunni verður boðið upp á grillaðar pylsur og prins.
Þriðja ferming vorsins er í dag og óskum við fermingarbörnunum og fjölskyldum þeirra innilega til hamingju <3 Á morgun verður sunnudagaskólinn á sínum stað en að honum loknum verður messa tileinkuð sálmaskáldinu sr. Valdimar Briem en sálmar hans eru t.d. ómissandi um jól og áramót (t.d. Nú árið er liðið & Í Betlehem er barn [...]
Hér er að finna helgihald Landakirkju í dymbilviku og á páskum. Á skírdag er altarisgangan í hávegum höfð og altarið afskrýtt við lok messu sem tákn um niðurlægingu Krists. Þjáningin og píslarsagan er síðan þema föstudagslins langa. Lesarar héðan og þaðan koma að lestri píslarsögunnar. Páskadagsmorgun er síðan gleðimorgun í kirkjunni þar sem sigri upprisunnar [...]
Þann 27. mars kl.19:30 munu Kitty Kovács og Guðný Charlotta flytja ljúfa tóna í Safnaðarheimili Landakirkju. Á efnisskránni verða eingöngu flutt verk fyrir fjórhent píanó og má þar nefna Fantasíuna í f moll eftir F. Schubert og Petite suite eftir Debussy. Aðgangseyrir: 2.000kr (ath það er engin posi á staðnum!)
Þrátt fyrir að öskudagurinn hafi verið í gær munum við hefja föstuna með formlegum hætti í messu sunnudagsins. Um er að ræða öskumessu þar sem askan og merking hennar er í fyrrúmi. Kirkjugestum er boðið að fá öskukross á enni sem tákn iðrunar en einnig verður gengið til altaris. Að messu lokinni er aðalsafnaðarfundur í [...]
Sr. Karl Sigurbjörnsson biskup er látinn. Hann lést í fyrradag. Sr. Karl er Eyjamönnum kunnur en hann var vígður til þjónustu við Eyjamenn í gosinu og þjónaði Vestmannaeyingum árin 1973-1974. Þar á eftir var hann skipaður sóknarprestur í Hallgrímsprestakalli þar sem hann þjónaði fram til ársins 1998 þegar hann var kjörinn biskup Íslands. Biskupstíð hans [...]
Í prjónamessu síðastliðinn sunnudag var vakin athygli á starfi Gleym mér ei-samtakanna, styrktarfélagi foreldra sem hafa misst fóstur eða barn í eða eftir fæðingu. Eitt af verkefnum félagsins er að útbúa hlýja og virðulega umgjörð þegar foreldrar þurfa að kveðja. Hluti af því eru svokölluð englateppi sem eru alltaf gefin tvö saman þar sem annað [...]
Í febrúar höfum við hrundið af stað verkefninu Fönký febrúar og af þeim sökum verður engin hefðbundin messa í febrúar heldur hver og ein með sitt þema. Fyrsta messan í því verkefni er á morgun, prjónamessa. Við munum prjóna til stuðnings Gleym mér ei, styrktarfélags sem missa á meðgöngu og í/eftir fæðingu. Þetta verður hugljúf [...]
Sunnudaginn 18. febrúar 2023 fer aðalsafnaðarfundur Ofanleitissóknar og Kirkjugarðs Vestmannaeyja fram í Safnaðarheimili Landakirkju. Fundurinn fer fram að lokinni messunni sem hefst kl. 13.00. Dagskrá fundar: - Aðalfundarstörf skv. lögum og starfsreglum Þjóðkirkjunnar. Sóknarnefnd Landakirkju
Kvenfélag Landakirkju heldur árlegt jólaball sitt í safnaðarheimili Landakirkju þann 29. desember kl. 16. Stórbandið heldur uppi fjörinu og kvenfélag Landakirkju býður upp á heitt súkkulaði og með’í í hléi. Heyrst hefur að jólasveinninn verði í næsta nágrenni og nokkuð líklegt að hann muni líta við. Sjáumst á morgun í safnaðarheimilinu.
