ÍBV messa á sunnudaginn

//ÍBV messa á sunnudaginn

ÍBV messa á sunnudaginn

Á sunnudaginn 6. maí nk. kl. 11:00 verður sérstök ÍBV messa í Landakirkju. Öllu verður til tjaldað, en hægt verður að berja nýjustu og helstu titla augum sem og að leikmenn úr meistaraflokkum karla og kvenna í handbolta og fótbolta verða á staðnum. Þessa dagana mætast leiktímabil í handbolta of fótbolta en úrslitakeppnin er enn á miklu flugi í handboltanum sem og að fótboltinn er farinn að rúlla á Hásteinsvelli.

Sísí Lára Garðarsdóttir og Grétar Þór Eyþórsson munu sjá um lestur ritningarinnar og sr. Viðar Stefánsson þjónar fyrir altari. Kór Landakirkju mun syngja létt lög í anda stundarinnar undir dyggri stjórn Kitty Kovács.

Við hvetjum alla ÍBV-ara að skreyta sig í búningum félagsins, merki og litum í messunni og setja þannig sterkan svip á stundina.

Áfram ÍBV!

 

2018-05-02T21:43:05+00:00 3. maí 2018|Fréttir|Slökkt á athugasemdum við ÍBV messa á sunnudaginn