KFUM og KFUK heldur norrænt mót sitt 13.-18. júlí í Vestmannaeyjum

Home/Fréttir/KFUM og KFUK heldur norrænt mót sitt 13.-18. júlí í Vestmannaeyjum

KFUM og KFUK heldur norrænt mót sitt 13.-18. júlí í Vestmannaeyjum

Dagana 13. – 18. júlí sækja Eyjarnar heim tæplega 140 þátttakendur í norrænu móti KFUM og KFUK félaganna í Danmörku, Svíþjóð, Finnlandi, Færeyjum og Íslandi. Vanalega hafa þessi mót verið haldin í sumarbúðum félagana en nú vegna góðrar þátttöku Vestmannaeyinga í gegnum árin og til að bridda upp á nýjungum var ákveðið að halda mótið í þessari paradís sem Vestmannaeyjar eru. Yfirskrift mótsins er “Feel the Nature” og passar það því vel við Eyjarnar. Mótsgestir fá að upplifa Eyjarnar með sem bestum hætti ásamt því að læra um Guð, náttúruna sem Hann skapaði og hvernig bera eigi virðingu fyrir sköpunarverkinu. Farið verður í bátsferðir, Eldheima og sunnudaginn 16. júlí fara allir mótsgestir í þrautaleikinn „Upplifðu Vestmannaeyjar“ þar sem farið verður út um alla Heimaey og þrautir leystar.

Það er heiður fyrir KFUM og K í Vestmannaeyjum að vera eiginlegir gestgjafar mótsins en mótið er undirbúið af mótsnefnd sem samanstendur af starfsmönnum KFUM og KFUK á Íslandi, þar með talið Gísla Stefánssyni æskulýðsfulltrúa Landakirkju og Þresti Árna Gunnarssyni fjármálastjóra KFUM og KFUK á Íslandi en hann er einmitt gamall Vestmannaeyingur.
2017-07-11T13:39:53+00:00 11. júlí 2017|Fréttir|Slökkt á athugasemdum við KFUM og KFUK heldur norrænt mót sitt 13.-18. júlí í Vestmannaeyjum