RSS
Velkominn á vefsíðu Landakirkju!
Heimasíðu Landakirkju er ætlað að opna aðgang að upplýsingum um þjónustuna og auðvelda þér að taka þátt í safnaðarstarfi og helgihaldi kirkjunnar. Verið hjartanlega velkomin í Landakirkju!
Fréttir og skilaboð
Nú gjaldi Guði þökk - 39 ár frá björgun í jarðeldunum á Heimaey
17. Jan. 2012 kl.18:30
Við messu sunnudaginn 22. janúar verður þess sérstaklega minnst að liðin eru 39 ár frá björgun allra íbúa á Heimaey við upphaf jarðeldanna 23. janúar 1973. Messan hefst kl. 14 og verður þar meðal annars sunginn sálmurinn „Nú gjaldi Guði þökk,“ en hann hefur verið sunginn við messu að þessu tilefni frá því þess var fyrst minnst í Landakirkju. Fyrstu árin var messað þann 23. janúar en fljótlega færðist sú minning og þakkargjörð yfir á næsta sunnudag við 23. janúar. Gengið verður til altaris, Kór Landakirkju syngur og fermingarbörn lesa úr Ritningunni. Organisti er Kitty Kovács og prestur sr. Kristján Björnsson. Þessa verður einnig minnst við guðsþjónustu á Hraunbúðum kl. 15.15 sama sunnudag, 22. janúar.
Safnaðarstarfið 19. - 25. janúar
17. Jan. 2012 kl.18:24
Sunnudaginn 22. janúar verður þess minnst í messu að 39 ár eru liðin frá jarðeldunum á Heimaey. Dagskrá vikunnar er að öðru leiti sem hér segir:
Aðalsafnaðarfundur og aðalfundur Kirkjugarðsins 29. janúar
17. Jan. 2012 kl.18:17
Aðalsafnaðarfundur Ofanleitissóknar og aðalfundur Kirkjugarðs Vestmannaeyja
Fjölskyldumessa í Stafkirkjunni og safnaðarstarf í gang að nýju
03. Jan. 2012 kl.18:02
Fjölskyldumessa verður í Stafkirkjunni sem liður í dagskrá Vestmannaeyjabæjar á þrettándahátíð. Hefst messan í Stafkikjunni kl. 13 og er það breyttur tími. Af þessum sökum er ekki messað í Landakirkju þennan fyrsta sunnudag eftir þrettánda dag jóla.Vikudagskrá er nánar hér á eftir en allir fastir liðir safnaðarstarfsins hefjast í vikunni 8. - 14. janúar, þar með talin fermingarfræðsla. Reglulegar guðsþjónustur í Landakirkju hefjast sunnudaginn 15. janúar með barnaguðsþjónustu kl. 11 og messu kl. 14.
Þakkir fyrir 2011 - Gleðilegt nýtt ár 2012
28. Des. 2011 kl.20:24
Aftansöngur verður með hátíðarbrag í Landakirkju kl. 18 á gamlársdag til að þakka árið sem er að líða. Þá er sunginn sálmurinn Nú árið er liðið og fleiri viðeigandi jóla- og áramótasálmar.
Nýársdag 2012 er hátíðarguðsþjónusta með hátíðarsöngvum kl. 14. Í henni felast óskir og bæn um farsæld á nýju ári. Þá syngjum við þjóðsönginn og fleiri hátíðlega sálma um áramót, en af þeim er af nógu að taka í íslenskri sálmahefð, m.a. Hvað boðar blessuð nýárssól?.